Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

164 ledic unde niuwe,
      schœne unde reine,
      niuwan der zwîvel eine:
      der ist ein mortgalle
      ze dem êwigen valle
169 den nieman mac gesüezen
      noch wider got gebüezen.
       Der dise rede berihte,
      in tiusche getihte,
      daz was von Ouwe Hartman.
174 hie hebent sich von êrste an
      diu seltsænen mære
      von dem guoten sündære.
       Ez ist ein wälhischez lant,
      Equitâniâ genant,
179 und lît dem mere unverre:
      des selben landes herre
      gewan bî sînem wîbe
      zwei kint diu an ir lîbe
      niht schœner mohten sîn,
184 einen sun und ein tohterlîn.
[ zurück ]